Bakı. Trend:
Çin "Kinetica-1" kommersiya raketi ilə 15 peyki orbitə uğurla buraxıb.
Trend Çin Mərkəzi Televiziyasına istinadən bildirir ki, buraxılış "Zhongke Yuhang" (CAS Space) şirkəti tərəfindən həyata keçirilib. Peyklər Pekin vaxtı ilə saat 12:03-də Çinin şimalındakı Dongfeng Commercial Space Launch Innovation Experimental Zone-dan göndərilib. Bu, "Kinetica-1" raketinin beşinci buraxılışıdır.
Kinetica-1, 3,35 m diametrli dörd pilləli bərk yanacaq raketidir. Uzunluğu 31 m-ə qədər olan raket, aşağı Yer orbitinə 2 tona qədər faydalı yük daşıya bilir. Raketin əvvəlki dörd buraxılışı da uğurla başa çatıb.