Bakı. Trend:
Türkiyəli hərbi mütəxəssislər ölkənin qərbində yerə düşmüş pilotsuz uçuş aparatlarını (PUA) araşdırırlar.
Trend xarici KİV-ə istinadən xəbər verir ki, bu barədə Türkiyənin Müdafiə Nazirliyi məlumat yayıb.
Məlumata görə, PUA-lar 19 və 20 dekabr tarixlərində Türkiyənin Kocaeli və Balıkəsir vilayətlərində aşkar edilib. Bundan əlavə, 15 dekabrda F-16 qırıcısı Qara dəniz üzərində Türkiyənin hava məkanında bir pilotsuz uçuş aparatını vurub. Həmin PUA-nın qalıqları hələlik tapılmayıb.
“Balıkəsir və Kocaelidə aşkar edilən PUA-ları mütəxəssislər araşdırır”, – Müdafiə Nazirliyinin nümayəndəsi Zeki Aktürk bildirib.
O qeyd edib ki, alçaq yüksəkliklərdə uçan kiçik pilotsuz uçuş aparatları yeni nəsil təhlükə hesab olunur.