Bakı. Trend:
ABŞ-nin Meyn ştatının Banqor beynəlxalq hava limanında kiçiktutumlu sərnişin təyyarəsi qəzaya uğrayıb.
Trend bu barədə xarici KİV-ə istinadən xəbər verir.
İlkin məlumata görə, qəza təyyarənin hava qalxdığı əsnada baş verib.
Federal Aviasiya Administrasiyasının məlumatına əsasən, təyyarənin göyərtəsində 8 nəfər olub. Onların aqibəti barədə hələ ki, məlumat yoxdur.
Qəzaya uğrayan təyyarənin 11 sərnişin tutumlu "Bombardier Challenger 600" modelindən olan biznes təyyarəsi olduğu bildirilir.