Avropa parlamenti AB-də kiçik və orta biznesi dəstəkləmək üçün 3,6 mlrd avronun ayırlması haqqında qərar qəbul edib. Trend in "FINANCE.UA"-yə istinadən xəbər verdiyi kimi, bu vəsaitin 2007-2013-cü illərdə 350 min kiçik və orta müəssisəyə ayrılması planlaşdırılır.
Müəssisələr və sənaye komissarı, Avropa Komissiyasının sədr müavini Günter Ferxoygen bildirib ki, bu, sonda AB-nin iqtisadi inkişafının sürətlənməsinə və yeni iş yerlərinin açılmasına təkan verməlidir.
Kiçik və orta biznesin inkişafına ayrılan 3,6 mlrd avro - bu yaxınlarda qəbul olunmuş rəqabət qabiliyyəti və innovasiyalar proqramı çərçivəsində birinci tranşdır.