Gürcüstan parlamentinin sədri Nino Burcanadze ATƏT səfirlərini rəsmi Tbilisinin ölkədəki münaqişələrin nizamlanmasına olan yanaşması ilə tanış ediib. Görüş bağlı qapılar arxasında keçirilib.
Trend "Kavkaz-press"a istinadən yaydığı xəbərə görə, Burcanadze vurğulayıb ki, Gürcüstan Abxaziya və Cənubi Osetiya separatçılarına Avropada mövcud olan muxtariyyət statusu təklif edir. "Biz bu regionlara humanitar və iqtisadi yardım da göstərməyə hazırıq" - deyə o qeyd edib.
Söhbət zamanı tərəflər müxalifətin fəaliyyətini müzakirə edib. ATƏT səfirləri müxalifət nümayəndələrinin parlamentdə nə dərəcədə fəal iştirak etdiyilə maraqlanıb. N.Burcanadze deyib ki, təəsüf ki, müxalifət parlamentin iclaslarını boykot etdəməkdədir.