Dekabrın 4-5-də Brüsseldə keçiriləcək ATƏT-ə üzv dövlətlərin Xarici İşlər Nazirləri Şurasının 14-cü illik iclasında Qazaxıstanın 2009-cu ildə Təşkilata sədrlik haqqında ərizəsini müzakirə edəcək. Bu haqda bu gün QR XİN-nin rəsmi nümayəndəsi Erjan Aşikbayev ənənəvi mətbuat brifinqində məlumat verib.
Trend "Kazakhstan Today"-ə istinadən bildirir ki, diplomatın məlumatına görə, Qazaxıstan tərəfindən forumda xarici işlər naziri Kasımjomart Tokayevin rəhbərlik etdiyi nümayəndə heyəti iştirak edəcək.
E.Aşikbayeb deyib: "XİNŞ-nın iclası zamanı təşkilatın fəaliyyətinin üç əsas istiqaməti, ATƏT-in 2006-cı ildə gördüyü işlərin nəticəsi üzrə məsələlərin müzakirə olunması nəzərdə tutulur". O həmçinin qeyd edib ki, xarici siyasət orqanlarının rəhbərləri müasir dövrün əsas problemləri haqqında fikir mübadiləsi aparacaq, regional və beynəlxalq təhlükəsizliyi təmin etmək və dəstəkləmək üçün növbəti addımları müəyyənləşdirəcək.