Ukrayna,Kiyev/müxbir Trend Z.Novostiski/Ali Rada "Ukrayna və Avropa Yenidənqurma və İnkişaf Bankı arasında kredit sazişinin ratifikasiyası haqqında" ("Kiyev-Çop avtomobil yolunun təmiri" üçüncü layihəsi) qanunu qəbul edib.
Bu sazişlə Ukrayna tərəfindən AYİB-dən 15 il ərzində (dörd güzəşt ili) EURIBOR+1%-lə 200 mln. avro məbləğində kreditin cəlb olunmasını nəzərdə tutur.
Kiyev-Çop yolunun təmiri üçün lazım olan məbləğ 677,5 mln. avro məbləğində qiymətləndirilir.
Daha 200 mln. avronu Ukrayna bu gün danışıqlar aparılan Avropa İnvestisiya Bankından əldə etmək niyyətindədir. Qalan 277,5 mln. avronun Ukravtodor şirkətinin şəxsi vəsaitləri hesabına maliyyələşdirilməsi planlaşdırılır.