Azərbaycan, Bakı, 9 iyun /Trend/
İlk Avropa Oyunları ilə bağlı Rusiyanın "Rossiya 1" telekanalı reportaj hazırlayıb. Trend-in məlumatına görə, Oyunlara sayılı gün qaldığını xatırladan telekanal xəbər verir ki, oyunların sivmolu olan məşəl artıq paytaxt Bakıya çatıb və yarışların keçiriləcəyi idman obyektlərində gəzdirilir.
Açılış mərasiminin iyunun 12-də Bakı Olimpiya Stadionunda yüksək səviyyəli təşkilatçılıqla baş tutacağının qeyd edildiyi reportajda artıq 600 mindən çox biletin satıldığı xüsusi vurğulanır.
Reportajda qeyd olunur ki, qitə miqyaslı Oyunların açılış mərasimində Rusiya prezidenti Vladimir Putin də iştirak edəcək.