Azərbaycan, Bakı, 9 iyun /Trend, müxbir İlkin İzzət/
Nəqliyyat Nazirliyi Bakı-2015 I Avropa Oyunları zamanı göstərilən nəqliyyat xidmətinin yaxşılaşdırılması, yarana biləcək sıxlığın qarşısının alınması məqsədilə Bakı şəhərində fəaliyyət göstərən bəzi marşrut xətlərinin istiqamətlərində dəyişikliklər edib.
Nazirlikdən Trend-ə bildiriblər ki, açılış və bağlanış mərasimlərində avtobus marşrutlarının xətlərində nəzərdə tutulan dəyişikliklər aşağıdakılardır:
Zabrat - Maştağa istiqamətindən
107, 131, 172, 173 və 189 nömrəli marşrut xətləri E.Mehdiyev - Bakıxanov qəsəbəsi, Oskar Əfəndiyev küçəsi - "Neftçilər" metrostansiyası - Rüstəm Rüstəmov və Mikayıl Əliyev küçələrinin kəsişməsindən təşkil olunacaq.
139, 148, 163, 166, 198, 204, 216 və 217 nömrəli marşrut xətləri E.Mehdiyev - Bakıxanov qəsəbəsi - O.Əfəndiyev küçəsi - Məmmədəli Şərifli küçəsi - Şirin Mirzəyev - Qara Qarayev prospekti (1-ci yol) köhnə Nizami Rayon Məhkəməsinin qarşısına qədər təşkil olunacaq.
62, 40 və 105 saylı marşrut xətləri Sabunçu stansiyası - Şəmsi Əsədullayev küçəsi - Bakıxanov qəsəbəsi - S.Mehmandarov küçəsi - Sülh küçəsi - "Neftçilər" metrostansiyası və sonra mövcud xətt üzrə hərəkət edəcək.
55 saylı marşrutun xətti Sabunçu stansiyası - Ş.Əsədullayev küçəsi - Bakıxanov qəsəbəsi - S.Mehmandarov küçəsi və sonra mövcud xətt üzrə hərəkət edəcək.
93 saylı marşrutun xətti müvəqqəti dayandırılır.
Mərdəkan - Buzovna - Qala - Bülbülə qəsəbələri istiqamətindən
100, 101, 136, 141, 150, 160, 171 və 187 saylı marşrut xətləri Mərdəkan şosesi - Heydər Əliyev prospekti - Zığ beton yolu - Gəncə prospekti - "Həzi Aslanov" metrostansiyasına qədər təşkil olunacaq.
116 saylı marşrutun xətti Heydər Əliyev Hava Limanı və Zığ beton yolu - Nobel prospekti - A.Cəlilov - K.Səfərəliyeva - 28 May küçələri (S.Vurğun bağının yanı) son dayanacaq.
184 saylı marşrut xətti Bülbülə qəsəbəsi - Bakıxanov qəsəbəsi - O.Əfəndiyev, M.Şərifli, Ş.Mirzəyev küçələri - Q.Qarayev prospekti (1-ci yol) köhnə Nizami Rayon Məhkəməsinin qarşısına qədər təşkil olunacaq.
214 saylı marşrut xətti Bakıxanov qəsəbəsi - O.Əfəndiyev küçəsi - Ramiz Qəmbərov küçəsi - "Neftçilər" metrostansiyası - 8-ci km bazarına qədər təşkil olunacaq.
Ziya Bünyadov prospekti istiqamətindən
11 və 36 nömrəli marşrut xətləri - Q.Qarayev prospekti - O.Vəliyev - M.Abbasov - A.Manafov - Q.Qarayev prospekti - sonra mövcud xətt üzrə.
82 saylı marşrutun xətti müvəqqəti dayandırılır.
207 saylı marşrutun xətti Binə T/M - Dairəvi yol - Moskva prospekti - A.Mustafayev - Z.Bünyadov - Atatürk prospektinə qədər təşkil olunacaq.