Azərbaycan, Bakı, 18 iyun /Trend/
Azərbaycanın birinci xanımı, Azərbaycan Gimnastika Federasiyasının prezidenti, Bakı-2015 Avropa Oyunları Təşkilat Komitəsinin sədri Mehriban Əliyeva Avropa Oyunlarında idman gimnastikası üzrə kişilər arasında fərdi çoxnövçülükdə qalib gələn gimnastların mükafatlandırma mərasimində iştirak edib.
Trend-in məlumatına görə, Azərbaycanı bu yarışda təmsil edən Oleq Stepko gümüş medal qazanıb.
Qeyd edək ki, birinci yeri Ukrayna idmançısı Oleq Vernyayev tutub. Üçüncü yerdə isə Rusiya idmançısı Nikita İqnatyev qərarlaşıb.