Аzərbaycan, Bakı, 12 yanvar /Trend, müxbir Z.Əhmədova/
Bakıda yeni il yolkalarının sökülməsinə cümə axşamı səhər başlanacaq. Bu barədə Trend-ə Bakı şəhər İcra Hakimiyyəti yanında Ticarət və Xidmət Departamentindən məlumat verilib.
"Ənənəyə görə Köhnə Yeni ilin qeyd olunduğu gündə Bakıda yolka ağaclarının söklüməsinə başlanılacaq", - departamentin mətbuat xidmətinin rəhbəri Əliabbas Bağırov deyib.
Onun sözlərinə görə, paytaxtda yeni il bəzəklərinin sökülməsi yanvarın 15-dək davam edəcək.
Bağırov əlavə edib ki, paytaxtda yolka ağaclarının quraşdırılmasına 2011-ci ilin gəlməsinə bir həftə qalmış başlanılıb.