Azərbaycan, Bakı, 12 fevral /Trend, müxbir Ş.Cavadsoy/
Azərbaycanı bu ilin mayında Almaniyanın Düsseldorf şəhərində təşkil ediləcək "Eurovision 2011" mahnı müsabiqəsində təmsil etmək üçün keçirilən milli seçim turunun qalibləri Eldar Qasımov və Nigar Camal konsert bitdikdən sonra təsəvvür edilməz dərəcədə sevincliydilər.
Eldar və Nigar qalib elan olunduqdan sonra öz sevinclərini Trend-lə bölüşdülər: "Biz həddindən artıq şadıq. Münsiflər heyətinə bizi seçdiklərinə görə minnətdarıq. Özümüzü necə hiss edə bilərik? Əlbəttə ki əla".