Bakı. Trend:
24 yanvar - 4 fevral tarixlərində Ukraynanın Odessa şəhərində Ukraynanın Beşinci “Лiга Смiху 2019” yumor çempionatı keçirilib.
Azərbaycan ilk dəfədir ki bu festivalda “Как по Маслу” komandası ilə təmsil olundu.
Komandadan Trend-ə verilən məlumata görə, yubiley festivalda Bakının komandası birinci turdan ikinciyə, daha sonra Qala konsertə və sonda 2 fevral Azərbaycanın Gənclər Günündə Qala konsertdən mövsüm oyunlarına vəsiqə qazandı.
Odessada toplanan 213 komanda arasınnan 14 komanda Mövsüm oyunlarına vəsiqə qazandı. Komandanın çıxışından dərhal sonra iki ulduz-məşqçi Qarik Birça və Olqa Polyakova ayağa qalxaraq komandaya nəsihətçi olmağ arzularını bildirdilər. Ulduz-məşqçi,nəsihətçi olaraq komandamız Ukraynanın pop-divası Olqa Polyakovanı seçdi. Qeyd etmək istərdik ki «Как по Маслу» komandası 2019-cu ildə Azərbaycanı Beynəlxalq teleməkanda təmsil edən yeganə komanda oldu.
Bakının “Как по Маслу” komandası “Azərsun Holdinq” Şirkətlər Qrupunun rəhbərliyinə yaratdığı dəstəyə görə dərin minnətdarlığını bildirir.
