Bakı. İlhamə İsabalayeva - Trend:
Bakıda - "Gənclik Mall" ticarət mərkəzi ilə üzbəüz olan avtobus dayanacağının yanında minik avtomobili yoldan səkiyə çıxıb.
Trend-in məlumatına görə, avtomobil səki ilə gedən 22 yaşlı qızla 23 yaşlı oğlanı vurub. Onların nişanlı olduğu bildirilir.
Səhiyyə Nazirliyinin mətbuat xidmətindən Trend-ə verilən məlumata görə, hadisə ilə bağlı təcili yardıma çağırış saat 18.37-də daxil olub. Qıza ilkin diaqnoz kimi sol bazunun travması, oğlana alının kəsilmiş yarası qoyulub:
"Hadisə yerində olan həkim briqadasının bildirdiyinə görə, onların həyatları üçün təhlükə yoxdur".