Bakı. Ceyhun Ələkbərov - Trend:
Bir neçə gün əvvəl Xaçmazda baş verən qəzada yaralanan şəxslər palataya köçürülüblər.
Bu barədə Trend-ə Xaçmaz Mərkəzi Rayon Xəstəxanasından bildiriblər.
Qeyd olunub ki, travmatologiya şöbəsində stasionar müalicə alan şəxslərdən yalnız biri 2017-ci il təvəllüdlü Axundova Nilay Mahir qızı reanimasiya şöbəsindədir:
"Nilay Axundovanın müalicəsi də müsbətə doğru davam edir. Böyük ehtimalla o da yaxın günlərdə reanimasiyadan palataya köçürüləcək".
Xatırladaq ki, Xaçmaz-Xudat yolunda baş verən yol qəzasında 5 nəfər müxtəlif dərəcəli bədən xəsarətləri alıblar.
Xəsarət alanlar 1963-cü il təvəllüdlü Tofik Məmmədrza oğlu Axundov, 1988-ci il təvəllüdlü Raziyə Beybut qızı Axundova, 2014-cü il təvəllüdlü Nuray Mahir qızı Axundova, 2017-ci il təvəllüdlü Nilay Mahir qızı Axundova və 1999-cu il təvəllüdlü Allahverdi Behbudovdur.
