Bakı. Trend:
ABŞ plana uyğun olaraq Azərbaycana növbəti mina axtaran itlər göndərəcək.
Trend xəbər verir ki, bu barədə ABŞ-ın Azərbaycandakı Səfirliyinin məlumatında deyilir.
"İtlər mina və partlayıcı sursatların təmizlənməsi əməliyyatlarına cəlb olunub və 30 milyon kvadratmetrdən çox ərazini təmizləyiblər. Növbəti 1,5 il ərzində ANAMA-ya minatəmizləmə işlərində kömək etmək üçün əlavə xilasedici mina axtaran 30 it hədiyyə ediləcək", - deyə məlumatda qeyd olunub.