...

Hərbçi yoldaşını öldürməkdə şübhəli bilinən şəxs tutulub

Gündəm Materials 18 Avqust 2022 19:22 (UTC +04:00)
Hərbçi yoldaşını öldürməkdə şübhəli bilinən şəxs tutulub

Bakı. Trend:

Hərbçi yoldaşını güllələyərək qətlə yetirməkdə şübhəli bilinən şəxs tutulub.

Baş Prokurorluğun Mətbuat xidmətindən Trend-ə verilən məlumata görə, Azərbaycan Ordusunun müddətdən artıq həqiqi hərbi xidmət hərbi qulluqçusu əsgər Mirzoev Elmar Elçhin oğlunun odlu silahdan açılan atəş nəticəsində aldığı güllə yarasından vəfat etməsi faktı ilə bağlı Ağdam hərbi prokurorluğunda Cinayət Məcəlləsinin 120.1-ci (qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanıb.

İstintaqla cinayətin müddətdən artıq həqiqi hərbi xidmət hərbi qulluqçusu əsgər Rzayev Bəhruz Sübhan oğlu tərəfindən törədilməsinə əsaslı şübhələr müəyyən olunub.

Bəhruz Rzayev şübhəli şəxs qismində tutularaq istintaqa cəlb edilib.

Xəbər lenti

Xəbər lenti