Bakı. Trend:
Azərbaycan təhlükəsiz fındıq istehsalında dünyada
seçilən ölkələrdən biridir. Bunu Avropa İttifaqının ölkəmizdəki
nümayəndəliyinin rəhbəri, səfir Peter Mixalko Zaqatalada fındıq
ixracatçıları ilə keçirilən görüşdə deyib.
Azərbaycan Qida Təhlükəsizliyi Agentliyinin bu
istiqamətdə gördüyü işlər və həyata keçirdiyi tədbirlər nəticəsində
Avropa İttifaqına ixrac olunan fındıq məhsullarında aflatoksin
aşkarlanma halları ilə bağlı daxil olan bildirişlərin sayının
kəskin azalığını qeyd edən səfir bildirib: “2018-ci ildə daxil olan
bildirişlərin sayı 18 olsa da, 2020 və 2021-ci illərdə cəmi 1
bildiriş daxil olub. Bunun nəticəsidir ki, Azərbaycandan ixrac
olunan fındıq məhsullarının həcmi artır və Avropanın iri şirkətləri
Azərbaycan fındığını almaqda maraqlıdırlar”.