Bakı. Trend:
Son illər Azərbaycanın informasiya təhlükəsizliyinin və kibertəhlükəsizliyinin təmin edilməsi ilə bağlı addımlar atılmaqdadır.
Trend-in xəbərinə görə, bunu Xüsusi Rabitə və İnformasiya Təhlükəsizliyi Dövlət Xidmətinin rəisi İlqar Musayev bu gün Bakıda keçirilən “Qlobal hibrid müharibə və kibertəhlükəsizlik” sammitində çıxışı zamanı deyib.
Onun sözlərinə görə, Azərbaycan bu sahədə çox böyük addımlarla irəliləyir: “Biz dövlət orqanı olaraq özəl sektorla çalışmağa çox önəm veririk. Burada vahid yanaşma olmalıdır. Bu ildən informasiya texnologiyaları sahəsinə qəbul ən yüksək ballarla olub”.