Azərbaycan, Şəki, 29 may / Trend , müxbir E.Quliyev/ Təqribən 40 dəqiqə bundan əvvəl başlanmış güclü qasırğa şimal-qərb bölgəsinə elektrik enerjisinin verilməsinin dayandırılmasına səbəb olub. Şimal-qərb istiqamətində əsən güclü qasırğa bölgədə taxıl sahələrinə, inzibati və ictimai binalarırn dam örtüklərinə ciddi ziyan vurub.
Xaldan-Balakən yolunun kənarındakı iri gövdəli ağacın aşması nəticəsində, nəqliyatın hərəkəti dayandırılıb. Şəki şəhərinin 3 mərkəzi küçəsində iri gövdəli ağacın aşması nəqliyyatın hərəkətini iflic edib.
Bütövlikdə, Şəki şəhərində 50-dən çox ağacın aşması müşahidə olunur. Nəticədə, 13 maşın əzilib. Hal-hazırda davam edən güclü qasırğa Şəki rayonunun Şəki kəndində bir evin uçması ilə nəticələnib.
Şəki rayon İcra hakimiyyətindən verilən məlumata görə, qasırğanın nəticələrinin aradan qaldırılması üçün bütün müvafiq orqanlar səfərbər edilib. Hazırda qasırğanın getdikcə güclənməsi müşahidə olunur.
Müəlliflə əlaqə saxlamaq üçün elektron ünvan - [email protected]
