Azərbaycan, Bakı, 28 iyun / Trend , müxbir K.Zərbalıyeva/ Dünən axşam Füzuli rayonu ərazisində hərbçilərin avtomobili aşıb.
Trend-News-a hərbi mənbələrdən bildirilib ki, iyunun 27-də saat 19.00 radələrində Füzuli rayonunun Şükürbəyli kəndi ərazisində qəzaya uğrayan "Mercedes" markalı avtomobil Müdafiə Nazirliyinin zabiti Məzahir Həsənova məxsus olub.
Qəza nəticəsində Milli Qvardiyanın zabiti Cəfərov Arif həlak olub, Məzahir Həsənov və Müdafiə Nazirliyinin zabiti Natiq Qurbanov müxtəlif dərəcəli bədən xəsarətləri alıblar.
Yaralılar hərbi hospitala yerləşdiriliblər. Faktla bağlı Füzuli Hərbi Prokurorluğunda araşdırma aparır.
Müəlliflə əlaqə saxlamaq üçün elektron ünvan - [email protected]
