Azərbaycanın şimal-qərbində ağır yol qəzası baş verib
Azərbaycan, Bakı, 15 iyul / Trend , müxbir K.Zərbalıyeva/ Azərbaycanın Şəki şəhərində avtomobilin kanala düşməsi nəticəsində bir nəfər ölüb, bir neçə nəfər xəsarət alıb.
Trend -un məlumatına görə, dünən saat 21 radələrində Şəkinin Oxud kənd sakini 23 yaşlı Məmməd Məmmədov idarə etdiyi QAZ-51 markalı 54-85 AZV dövlət nömrə nişanlı avtomobili kanala aşırıb.
Qəza nəticəsində avtomobildəki 75 yaşlı sərnişin Aydın Məmmədov aldığı ağır bədən xəsarətindən hadisə yerində keçinib.
Faktla bağlı Şəki rayon polis şöbəsində Cinayət Məcəlləsinin yol hərəkəti və nəqliyyat vasitələrinin istismarı qaydalarını pozma zərərçəkmiş şəxsin ölümünə səbəb olduqda (263.2-ci) maddəsi ilə cinayət işi açılıb.
Azərbaycanın şimal-qərbində yerləşən Şəki paytaxtdan 320 km məsafədədir.
Məqalə müəllifi ilə əlaqə ünvanı: [email protected]
