Azərbaycan, Bakı, 13 noyabr / Trend müxbir S. Kazımlı / Bakının Xətai rayon ərazisində "Azərsun" şirkətlər qrupunun əməkdaşının evindən oğurluq edilib. Bu barədə Xətai rayon Polis İdarəsindən (RPİ) cümə axşamı Trend - a məlumat verilib.
Məlumata görə, bir neçə gün öncə rayonun Sarayev küçəsi, ev 14, mənzil 38 ünvanda yaşayan, "Azərsun" şirkətlər qrupunun məsul əməkdaşı Nadir Şahmuradzadənin evindən 6 800 ABŞ dolları oğurlanıb. İlkin araşdırma zamanı oğurluq edən şəxsin mənzilə açar seçmə yolu ilə daxil olması müəyyənləşib.
Hazırda oğurluq edən şəxsin müəyyən edilib tutulması üçün zəruri istintaq və əməliyyat - axtarış tədbirləri həyata keçirilir.
Faktla bağlı Xətai RPİ-də Azərbaycan Cinayət Məcəlləsinin yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla oğurluq törədilməsi (177.2.3-cü) xeyli miqdarda ziyan vurmaqla oğurluq törədilməsi (177.2.4-cü) maddələri ilə cinayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
