Azərbaycan, Bərdə, 17 noyabr / Trend , müxbir Ş.Cəliloğlu / Azərbaycanın cənub-qərbində yerləşən (paytaxt Bakıdan 320 km məsafədə) Bərdə rayonunda "Kapitalbank"ın Ağdam rayon filialının binası yanıb. Noyabrın 17-də saat 04.00. radələrində başlayan yanğın yarım saat davam edib.
Yanğının elektrik naqillərindəki qısaqapanmadan baş verdiyi ehtimal olunur. Hadisə zamanı bankın ofisi tamamilə yanıb. Yanğın Fövqəladə Hallar Nazirliyinin Yanğından Mühafizə İdarəsinin Bərdə rayon şöbəsi əməkdaşları tərəfindən söndürülüb.
Hadisə ilə bağlı araşdırmalar aparılır. Yanğının vurduğu ziyan müəyyənləşdirilir.
Məqalə müəllifi ilə əlaqə ünvanı: [email protected]
