Azərbaycan, Bakı, 19 noyabr / Trend , müxbir S.Kazımlı / Bakının Sabunçu rayon ərazisində 54 yaşlı kişi özünü asaraq intihar edib. Bu barədə Sabunçu rayon Prokurorluğundan çərşənbə günü Trend -a məlumat verilib.
Məlumata görə, noyabrın 18-dən 19-na keçən gecə axşam saatlarında rayonun Bakıxanov qəsəbəsinin Ülvi Rəcəb küçəsi, ev 8, mənzil 1 ünvanında yaşayan Yaqub Musa oğlu İsayev yaşadığı evin həyətindəki nar ağacından özünü asaraq intihar edib.
Mərhumun cibindən intihar etməmişdən əvvəl intiharın etməsinin səbəbləri haqda məktub aşkar edilib. Mərhum məktubunda "hər şey sizin istədiyiniz kimi olsun, mən öz seçimimi etdim, intihar etməyimdə heç kimin günahı yoxdur" - qeyd edərək bildirib. Mərhum Azərbaycan Dövlət Neft Şirkətinin Neft Daşları Neft Qaz Çıxarma İdarəsində sürücü işləyib.
Faktla bağlı Sabunçu rayon Prokurorluğunda araşdırma aparılır.
Məqalə müəllifi ilə əlaqə ünvanı:[email protected]
