Azərbaycan, Bakı, 02 iyul / Trend , müxbir H.Bağırov /
Azərbaycanda metro stansiyasına partlayıcı qurğu qoyulması ilə bağlı polisə məlumat daxil olub.
Bakının Xətai Rayon Polis İdarəsindən Trend -a verilən məlumata görə, cümə axşamı günorta saatlarında Bakı metropoliteninin Əhmədli stansiyasına bomba qoyulması ilə bağlı Daxili İşlər Nazirliyinin "102" xidmətinə məlumat daxil olub.
Hadisə yerində polis əməkdaşları və Fövqəladə Hallar Nazirliyinin əməkdaşları araşdırma aparsalar da, partlayıcı qurğu tapılmayıb.
Yalan məlumatın 050 8736790 nömrəli telefondan Ofeliya Həsənova tərəfindən verildiyi müəyyənləşib.
Həsənova saxlanılaraq polis idarəsinə gətirilib.
Faktla bağlı araşdırma aparılır.
Məqalə müəllifi ilə əlaqə ünvanı: [email protected]