Azərbaycan, Bakı, 4 noyabr /Trend, müxbir K.Zərbalıyeva/
Azərbaycan Milli Ordusunun əsgəri xəstəlikdən dünyasını dəyişib.
Müdafiə Nazirliyinin mətbuat xidmətinin rəis müavini Teymur Abdullayev çərşənbə axşamı Trend-ə bildirib ki, Müdafiə Nazirliyinə məxsus "N" saylı hərbi hissənin əsgəri, Bakı şəhər sakini, 1990-cı il təvəllüdlü Ramiz Oqtay oğlu Atayev xəstəlikdən dünyasını dəyişib.
Hadisə noyabrın 3-də, gecə saatlarında baş verib.
Abdullayev deyib ki, əsgərin ölümünə orqanizmin ümumi intoksikasiyası, fəsadlaşmış folikulyar angina və baş beyin maddəsinin kəskin ödəmi səbəb olub.
Atayev 2010-cu ilin yanvarında Xəzər rayon Hərbi Komissarlığından həqiqi hərbi xidmətə çağırılıb.