Azərbaycan, Bakı, 21 aprel /Trend, müxbir K.Zərbalıyeva/
Xəzərin Azərbaycan hissəsində balıqçı qayığı çevrilib, iki nəfərin cəsədi aşkar edilib.
Fövqəladə Hallar Nazirliyinin mətbuat xidmətindən Trend-ə verilən məlumata görə, nazirliyə Sumqayıt şəhəri, H.Z.Tağıyev qəsəbəsi ərazisində, sahildən 10 km aralıda dənizdə çevrilmiş qayığın aşkarlanması barədə məlumat daxil olub.
FHN-in dalğıc-xilasediciləri axtarış-xilasetmə işlərinin aparılması üçün hadisə yerinə cəlb ediliblər.
Görülən tədbirlər nəticəsində aprelin 21-də günün müxtəlif saatlarında Sumqayıt şəhəri, Corat qəsəbəsi ərazisində, sahildən 3 km aralıda 1989-cu il təvəllüdlü Bəylər Mövlanverdi oğlu Hətəmov və 1980-cı il təvəllüdlü Pavel Viktoroviç Vasilyevin cəsədləri suda aşkarlanaraq çıxarılıb və aidiyyəti üzrə təhvil verilib.
Hazırda hadisə zamanı qayıqda olduğu ehtimal edilən digər 2 şəxsin axtarışları davam etdirilir.