Azərbaycan, Bakı, 27 aprel /Trend, müxbir K.Zərbalıyeva/
Azərbaycan Müdafiə Nazirliyinin "N" saylı hərbi hissəsinin gizirindən heroin götürülüb.
Daxili İşlər Nazirliyinin mətbuat xidmətindən çərşənbə günü Trend-ə bildirilib ki, aprelin 27-də saat 02:10 radələrində, Yardımlı rayonunun Sırıq kəndi ərazisində Şəki Şəhər-Rayon Polis Şöbəsi Sarıcalı polis bölməsinin məsul növbətçisi, polis kapitanı İlham Əhmədovun idarə etdiyi "VAZ-21074" markalı, AZ 10-OE-704 dövlət nömrə nişanlı avtomaşın Yardımlı rayon Polis Şöbəsi əməkdaşları tərəfindən nəzarət qaydasında saxlanılıb.
Avtomaşında olan sərnişin - Müdafiə Nazirliyinin "N" saylı hərbi hissəsinin giziri Əlibaba Nasir oğlu Vəlupurdan 710 qram heroin götürülüb.
Faktla bağlı araşdırmalar aparılır.