Azərbaycan, Bakı, 9 iyul /Trend, müxbir K.Zərbalıyeva/
Qubada avtomobil körpüdən aşıb, 3 nəfər xəsarət alıb.
Trend-in Fövqəladə Hallar Nazirliyinin internet saytına istinadən verdiyi məlumata görə, Qaraçay çayının Quba rayonu ərazisindən keçən hissəsində "Prado" markalı minik avtomobili sürücünün idarəetməsindən çıxaraq Qaraçay körpüsündən aşıb.
Nəticədə nəqliyyat vasitəsi deformasiyaya uğrayıb. Avtomobilin sürücüsü və 2 sərnişin xəsarət alıb.
Xilasedicilər xüsusi alət və avadanlıqlar vasitəsilə yaralıları deformasiyaya uğramış avtomobildən çıxararaq ilkin tibbi yardım göstərib və aidiyyəti üzrə təhvil veriblər.