Azərbaycan, Bakı, 16 iyul /Trend, müxbir K.Zərbalıyeva/
Bakıda "Kamaz" yolu keçən atlını vurub.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Bakı şəhəri, Abşeron rayonunda "Kamaz" markalı yük avtomobili atlıya çırpılıb.
Nəticədə atlı da, at da hadisə yerində ölüb.
Hadisə yerinə cəlb edilmiş xilasedicilər xüsusi alət və avadanlıqlar vasitəsilə 1985-ci il təvəllüdlü Abbasov Rəşad Nizam oğlunun cəsədini və tələf olmuş atı "Kamaz"ın altından çıxarıblar.