3-cü abzasdan sonra təfərrüatlar əlavə olunub (ilk xəbər 11:27-də yayılıb)
Azərbaycan, Bakı, 25 iyul /Trend, müxbir İ.İsabalayeva/
Bu gün səhər saatlarında Bakı Metropoliteninin "Nizami" stansiyasında bir nəfər qatarın altına düşüb.
Bakı şəhər Baş Polis İdarəsindən bazar ertəsi Trend-ə bildirilib ki, qatarın altına düşən şəxsin şəxsiyyəti müəyyənləşdirilir.
Hadisə nəticəsində qatarın hərəkətində fasilə yaranıb.
Özünü qatarın altına atan şəxsin 55 yaşlı Məhəbbət Paşayeva olduğu müəyyənləşib. O Kliniki Tibbi Mərkəzə yerləşdirilib.
Kliniki Təbbi Mərkəzin baş həkiminin müavini Adil Salahov Trend-ə bildirib ki, Paşayeva təxminən yarım saat əvvəl xəstəxanaya gətirilib. Xəstənin vəziyyəti ağırdır. Hazırda xəstə müayinələrdən keçirilir. Ehtiyac olarsa, Paşayeva əməliyyat olunacaq.
Hadisənin hansı səbəbdən baş verdiyi hələki məlum deyil.