Azərbaycan, Bakı, 31 avqust /Trend/
Zaqatalada bir neçə gün əvvəl avtomobili qaçıran şəxs tutulub.
Trend-in Daxili İşlər Nazirliyinin internet saytına istinadən verdiyi məlumata görə, avqustun 28-də Həsrət Məmmədova məxsus "VAZ-2106" markalı avtomaşın qaçırılıb və onu qaçıran şəxs avtomobili idarə edərkən Qədir Məhərrəmovun ölümü ilə nəticələnən yol-nəqliyyat hadisəsi törədib.
Zaqatala rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisənin Aşağı Tala kənd sakini İslam Ömərov tərəfindən törədilməsi müəyyən edilib və o, tutulub.
Faktla bağlı Cinayət Məcəlləsinin müvafiq maddələri ilə cinayət işi başlanıb, istintaq aparılır.