Azərbaycan, Bakı, 8 sentyabr /Trend, müxbir K.Zərbalıyeva/
Ermənistan Silahlı Qüvvələrinin atəşkəsi pozması nəticəsində Azərbaycan Ordusunun əsgəri yaralanıb.
Müdafiə Nazirliyinin mətbuat xidmətin rəis müavini Teymur Abdullayev Trend-ə bildirib ki, hadisə bu gün cəbhənin Tərtər istiqamətində qeydə alınıb.
Ordumuzun əsgəri, 1992-ci il təvəllüdlü Telman Əlişah oğlu Seyfullayev düşmən gülləsinə tuş gəlib. Nəticədə budundan güllə yarası alan əsgər hospitala yerləşdirilib.
Seyfullayev 2010-cu ilin iyulunda Şabran Rayon Hərbi Komissarlığından həqiqi hərbi xidmətə çağırılıb.