Azərbaycan, Bakı, 28 noyabr /Trend, müxbir K.Zərbalıyeva/
Bakıda avtomobildən külli miqdarda pul oğurlayan şəxs tutulub.
Daxili İşlər Nazirliyinin mətbuat xidmətindən bazar ertəsi Trend-ə verilən məlumata görə, noyabrın 25-də şəhər sakini Musa Məmmədova məxsus "Toyota-Prado" markalı avtomaşından içərisində 10 000 dollar, 1000 avro və 5000 manat pul olan çanta oğurlanıb.
Nərimanov rayon Polis İdarəsinin 16-cı polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində çantanı oğurlamış sürücü Yaşar Mustafayev tutulub.
Faktla bağlı cinayət işi başlanıb.