Azərbaycan, Bakı, 31 yanvar /Trend, müxbir K.Zərbalıyeva/
Qəbələdə avtomobil aşıb, bir nəfər ölüb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Qəbələ rayonu, Sultannuxa kəndi ərazisində "İj" markalı minik avtomobili kanala düşüb.
Nəticədə, sürücü - 1971-ci il təvəllüdlü Xəqani Kamal oğlu Vahabov hadisə yerində ölüb.
Hadisə yerinə cəlb olunmuş xilasedicilər Vahabovun cəsədini kanaldan çıxarıb və aidiyyəti üzrə təhvil verib.