Azərbaycan, Bakı, 14 fevral / Trend müxbir K.Zərbalıyeva/
Sumqayıtda mağazada yanğın olub, xəsarət alan var.
Trend-in Daxili İşlər Nazirliyinin rəsmi saytına istinadən verdiyi məlumata görə, fevralın 13-də saat 04:25 radələrində Sumqayıt şəhəri ərazisində şəhər sakini Yusif Əhmədova məxsus mağazada yanğın baş verib.
Nəticədə mağazanın yanar konstruksiyaları və oradakı ərzaq məhsulları yanıb.
Yanğının söndürülməsində iştirak etmiş Əhmədov yanıq xəsarəti alıb.