Azərbaycan, Bakı, 13 aprel /Trend, müxbir M.Əliyev/
Azərbaycanda bir gündə baş verən yeddi yol qəzasında 3 nəfər ölüb, səkkiz nəfər yaralanıb. Bu barədə cümə günü Trend-ə Respublika Baş Dövlət Yol Polisi İdarəsindən məlumat verilib.
Məlumata görə, ən ağır yol qəzası Lənkəran rayonunda qeydə alınıb. Aprelin 12-si gecə 23:00 radələrində "Hyundai" markalı avtomobil yoldan keçən iki piyadanı vurub. Hər iki piyada yol qəzası nəticəsində ölüb.