Azərbaycan, Bakı, 9 iyun / Trend /
Massalı rayonunda minik avtomobili "Kamaz"la toqquşub, 4 nəfər həlak olub.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Masallı rayonu, Alvadı kəndində (rayon mərkəzindən 4 km aralı) "Kamaz" markalı yük avtomobili və "Mercedes" markalı minik avtomobili toqquşub.
Nəticədə, minik avtomobilinin sürücüsü və 3 nəfər sərnişin (şəxsiyyətləri məlum deyil) hadisə yerində ölüblər.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə cəsədləri deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər.