Azərbaycan, Bakı, 13 iyun /Trend, müxbir E.Mehdiyev/
Bakıda mənzildən külli miqdarda pul və qızıl-zinət əşyaları oğurlayan şəxslər yaxalanıb.
Bakı Şəhər Baş Polis İdarəsindən Trend-ə verilən məlumata görə, iyunun 3-də A.Məhərrəmov küçəsində yaşayan Rəna Orucovanın mənzilindən açar seçmə yolu ilə içərisində 3000 ABŞ dolları və qızıl-zinət əşyaları olan seyf oğurlanıb.
Nəsimi RPİ CAŞ və 19-cu PB əməkdaşlarının keçirdikləri əməliyyat tədbirləri nəticəsində oğurluqda şübhəli bilinən şəxslər - əvvəllər məhkum olunmuş Anar Nəzərov və Mehriban Cabbarova iyunun 12-də tutulub.
Onların üzərinə baxış keçirilərkən Nəzərovdan 9 qramdan artıq tiryək aşkar olunaraq götürülüb.