Azərbaycan, Bakı, 28 iyul /Trend/
Ucar rayonu, Təzə Şilyan kəndi (rayon mərkəzindən 30 km aralı) vətəndaşlara məxsus "VAZ-21011" və "NİSSAN-TİDA" markalı minik avtomobilləri ilə vətəndaşlara məxsus "FORD" və "KAMAZ" markalı yük avtomobillərinin toqquşması nəticəsində yanğın baş verib.
Trend Fövqəladə Hallar Nazirliyinin rəsmi saytına istinadən məlumat verir ki, yanğın nəticəsində "VAZ-21011" markalı minik avtomobilinin yanar hissələri yanıb. Hadisə zamanı "VAZ-21011" markalı avtomobilin sürücüsü və avtomobildə olan 2 nəfər sərnişin müxəlif bədən xəsarətləri ilə yanğınsöndürənlər hadisə yerinə çatana kimi sakinlər tərəfindən rayon mərkəzi xəstəxanasına aparılıblar.
Yanğından digər avtomobillər mühafizə olunub. Hadisə ilə əlaqədar müvafiq qurumlar tərəfindən təhqiqat aparılır.