Azərbaycan, Bakı, 10 oktyabr /Trend, müxbir K.Zərbalıyeva/
Azərbaycana gizli yolla heroin keçirən İran vətəndaşları saxlanılıb.
Dövlət Gömrük Komitəsindən Trend-ə verilən məlumata görə, İran vətəndaşları Zahidi Qulamrza və Yəzdani Cəlal idarə etdikləri "Skania" markalı sərnişin avtobusu ilə İrandan Azərbaycana gələrkən Astara Gömrük İdarəsinin sərnişin-nəqliyyat şöbəsində avtobusa kinoloji it tətbiq etməklə gömrük baxışı keçirilib.
Baxış zamanı yük yerində karton qutunun divarında - künc hissəsində, kartonun arasına xüsusi qaydada yerləşdirilmiş bir ədəd dördkünc formalı polietilen paketin içərisində çəkisi 45 qram olan narkotik vasitə - heroin aşkar edilib.
Faktla bağlı cinayət işi başlanıb.