...

Bakıda saxlanılan "cütlüy"ün bir neçə obyektdən oğurluq etdiyi aşkarlanıb

Hadisə Materials 26 Yanvar 2013 11:51
Bakı şəhər Baş Polis İdarəsindən Trend-ə bildiriblər ki, Yasamal rayon Polis İdarəsinin 28-ci polis bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Bakı şəhər sakinləri Mübariz Muxtarov və Milana Şükürova yaxalanıb.
Bakıda saxlanılan "cütlüy"ün bir neçə obyektdən oğurluq etdiyi aşkarlanıb

Trend-i buradan izləyin

Azərbaycan, Bakı, 26 yanvar /Trend, müxbir İ.İzzət/

Bakıda saxlanılan "cütlüy"ün bir neçə obyektdən oğurluq etdiyi aşkarlanıb.

Bakı şəhər Baş Polis İdarəsindən Trend-ə bildiriblər ki, Yasamal rayon Polis İdarəsinin 28-ci polis bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Bakı şəhər sakinləri Mübariz Muxtarov və Milana Şükürova yaxalanıb.

Araşdırma zamanı müəyyən edilib ki, onlar 2012-ci il noyabrın 6-da avtomobillərin satışı bazarında Pəhlivan Əliyevə məxsus mağazadan maqnitofon, səsgücləndiricilər, dekabrın 18-də və 26-na keçən gecə Fəlakət Tağıyevaya məxsus M.Müşviq küçəsində yerləşən gözəllik salonundan televizor, DVD, pul, fen və bijuteriya, dekabrın 29-na keçən gecə Fidan Əhmədovaya məxsus İ.Zülalov küçəsində yerləşən gözəllik salonundan 74 manat, gümüş sırğa, 3 ədəd qol saatı, fen, parfümeriya, 31-də isə Cavid Kərimova məxsus Şərifzadə küçəsində yerləşən mağazadan 600 manat və danışıq kartları qarət ediblər.

Bu il yanvarın 7-nə keçən gecə Bakı şəhər sakini Ofelya Rüstəmovaya məxsus Parlament prospektində yerləşən gözəllik salonunun dəmir barmaqlıqlarını sındıraraq 100 manat, 3 ədəd fen, geyim və ətriyyat, yanvarın 8-də isə Tamella Cəfərovaya məxsus M.Sübhi küçəsində yerləşən mağazadan 2100 manat, danışıq kartları oğurlayıblar.

Məqalədə:
Xəbər lenti

Xəbər lenti