Azərbaycan, Bakı, 29 yanvar /Trend, müxbir İ.İzzət/
Bakıda mağazadan külli miqdarda yararlılıq və istifadə müddəti keçmiş materiallar aşkar edilərək götürülüb.
Daxili İşlər Nazirliyinin mətbuat xidmətində Trend-ə verilən məlumata görə, DİN Baş Mütəşəkkil Cinayətkarlıqla Mübarizə İdarəsinə Suraxanı rayonu ərazisindəki tikinti materialları mağazasında Bakı şəhər sakini İslam Əsgərovun yararlılıq və istifadə müddəti bitmiş boyaları istehlakçıya satması barədə əməliyyat məlumatı daxil olub.
Mağazaya baxış keçirilib, bu zaman külli miqdarda yararlılıq və istifadə müddəti keçmiş materiallar aşkar edilərək götürülüb.