Azərbaycan, Bakı, 12 mart /Trend, müxbir T.Cəfərov/
Məhəmməd Məhəmmədi adlı İran vətəndaşı Əfqanıstanda casusluqda ittiham olunaraq edam cəzasına məhkum edilib. Trend Radio free Europe-ın xəbər saytına istinadən məlumat verir ki, bunu Əfqanıstanın Badğis əyalət məhkəməsinin hakimlərindən biri deyib.
Məlumata əsasən, casusluqda ittiham olunan iranlı İspaniya və ABŞ hərbi bazalarının yanında həbs edilib. Həmin şəxs həbs olunmamışdan öncə bir neçə gün İranın Heratdakı konsulluğunda qalıb.
Hələlik İran tərəfi bu məsələ ilə bağlı açıqlama vermir.