Azərbaycan, Bakı, 22 avqust /Trend, müxbir A.Tağıyeva/
Azad Suriya Ordusu və hökumət qüvvələri arasında silahlı qarşıdurmalar nəticəsində odlu silahdan atılan güllələr Türkiyə ərazisinə də çatıb. Bu barədə Trend Türkiyənin "Sabah" qəzetinə istinadən bildirir.
Qəzet xəbər verir ki, hadisə nəticəsində Türkiyənin Şanlıurfa əyalətinin Ceylanpınar rayonunda yaşayan üç Türkiyə vətəndaşı yaralanıb.
Atışma Türkiyə sərhədi yaxınlığında Azad Suriya Ordusu və ölkənin hökumət qüvvələri arasında baş verib. Yaralılar yaxınlıqdakı xəstəxanalara çatdırılıblar.