Azərbaycan, Bakı, 18 sentyabr /Trend/
"Opel" və "BMW" toqquşub, sürücülər xəsarət alıb. Bu barədə Trend məlumat verib.
Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Yasamal rayonunda "Opel" və "BMW" markalı 2 minik avtomobili toqquşub.
Dərhal hadisə yerinə Fövqəladə Hallar Nazirliyinin müvafiq xilasetmə qüvvələri cəlb olunublar.
Hadisə yerində əməliyyat şəraiti qiymətləndirilərkən məlum olub ki, hər iki nəqliyyat vasitəsi zədələnib, sürücülər xəsarət alıb. Hadisə şahidlərinin sözlərinə görə xəsarət almış sürücülrər Təcili Tibbi Yardım Stansiyasının həkimləri tərəfindən xəstəxanaya aparılıb.
Xilasedicilər ərazidə müvafiq təhlükəsizlik tədbirləri görüblər.