Azərbaycan, Bakı, 12 yanvar /Trend/
Bakıda ikimərtəbəli binada yanğın olub, 3 nəfər tüstüdən zəhərlənib
Trend Fövqəladə Hallar Nazirliyinin rəsmi saytına istinadən məlumat verir ki, Bakı şəhəri, Yasamal rayonunda ikimərtəbəli yaşayış binasının 1-ci mərtəbəsində yerləşən vətəndaşa məxsus ümumi sahəsi 12 kv.m olan mağazanın yanar konstruksiyaları yanıb.
Yanğınsöndürənlər hadisə yerinə çatana kimi tüstüdən zəhərlənən 3 nəfər bina sakini Təcili Tibbi Yardım Xidməti tərəfindən xəstəxanaya aparılıb və ilkin tibbi yardım gösdərildikdən sonra evə buraxılıb.
Bitişik bank və 2-ci mərtəbədə olan mənzillər yanğından mühafizə olunub.