Azərbaycan, Bakı, 5 fevral /Trend/
Fövqəladə Hallar Nazirliyi (FHN) Şirvanda 87 yaşlı qadının ölümü ilə nəticələnən yanğın barədə məlumat yayıb.
Trend nazirliyin rəsmi saytına istinadən məlumat verir ki, Şirvan şəhərində vətəndaşa məxsus 5 mərtəbəli yataqxana binasının 1-ci mərtəbəsində ümumi sahəsi 12 kv.m olan 1 otaqlı mənzildə ev əşyaları 3 kv.m sahədə yanıb.
Yanğının kəşfiyyatı zamanı mənzildən 1927-ci il təvəllüdlü Həsənova Ruqiyyə Əvəz qızının meyiti yanğınsöndürənlər tərəfindən aşkar edilib.
Yanğın yanğınsöndürənlər tərəfindən söndürülüb.