Azərbaycan, Bakı, 28 iyun /Trend/
Sumqayıtda şadlıq evində qidadan zəhərlənmə olub.
Trend Daxili İşlər Nazirliyinin saytına istinadən xəbər verir ki, iyunun 27-də Sumqayıt şəhərinin ərazisindəki "Simurq" şadlıq evində şəhər sakinləri Elburus Nuruyev, arvadı Yeganə, oğlu Amil, qızı Rəfiqə, qardaşı Rəşad və onun arvadı Samirə qidadan zəhərləniblər. Onlara xəstəxanada ilkin tibbi yardım göstərilib.
Respublikada ötən gün digər zəhərlənmə halları da qeydə alınıb. Belə ki Gəncə şəhər sakinləri Elnurə İsmayılova və Şəfaqət İdrisova dərmandan, Cəlilabad rayon sakini Sevinc Eyvazova kimyəvi məhluldan zəhərləniblər.